НАСА го истражува првиот вселенски криминал, астронаутка влегла во сметката на поранешната сопруга

НАСА го истражува првиот вселенски криминал, јави Би-би-си.

Имено, американската астронаутка Ен Меклејн наводно од Меѓународната вселенска станица ја хакирала банкарската сметка на нејзината поранешна партнерка Самер Ворден.

Ворден поднела тужба до надлежна институција, а Меклејн се вратила на Земјата.

Меклејн за Њујорк Тајмс преку адвокат изјави дека само проверувала дали е сè во ред со домашниот буџет, поточно, дали има доволно пари за сметки и за грижата за нивниот син, за кого заедно се грижеле додека биле заедно.

Имено, Меклејн признала дека ѝ пристапила во сметката, но дека немала никакви лоши намери.

Меклејн и Ворден, која е офицер во американските воздушни сили, стапиле во брак во 2014 година, а Ворден во 2018 година поднела барање за развод.

Меклејн дипломирала на престижната воена академија Вест Поинт и била воена пилотка во Ирак. Како астронаутка, таа поминала шест месеци на Меѓународната вселенска станица и требало да биде дел од откажаното прво вселенско патување на целосно женски тим.

Правната рамка, што е договорена од државите сопственици на Меѓународната вселенска станица, вели дека законот на одредена држава важи за поединците и имотот во вселената.

Така, ако канадски државјанин изврши кривично дело во вселената, тој е подложен на канадскиот закон. Европа во оваа рамка постои како една држава, но секоја од државите може да ги примени своите закони за европската опрема и персоналот во вселената.

ЕУ покажа дека не е во состојба да ги исполни ветувањата дадени пред скоро две децении во Солун и одлучи веќе да не се преправа.

повеќе

Кога политичарите сватија за каква моќна алатка се работи, час поскоро побрзаа да менуваат закони со кои „бомбите" нема да бидат докази.

повеќе

Брегзитот, односно напуштањето на Велика Британија на ЕУ, без сомневање ќе влијае врз градењето на новата политичка архитектура во Европа, со нова поделба на интересни зони на стариот континент.

повеќе