Брегзит

Напуштете ја ЕУ без договор ако треба, вели велшкиот државен секретар

Велика Британија мора да биде подготвена да ја напушти ЕУ без договор на крајот на октомври, рече велшкиот државен секретар.

Алун Кернс рече дека министрите мора да „дејствуваат според упатствата на референдумот“, дури и ако тоа значи брегзит без договор.

Но тој рече дека сака договор и дека „искрено“ верува дека Велика Британија ќе добие договор ако Борис Џонсон стане премиер.

Портпаролката на првиот министер на Велс, Марк Дрејкфорд, изјави дека целта на коментарите на Кернс „се чини дека повеќе се за да го заштити сопственото работно место“.

Кернс го поддржа фаворитот Борис Џонсон во трката за конзервативен лидер, тврдејќи дека тој може да ja „обедини“ земјата.

Лидерите на Европската Унија во април ѝ дадоа на Велика Британија шестмесечно одложување на брегзитот. Новиот краен рок е 31 октомври.

Велшкиот секретар рече дека подготвувањето за ситуација дека ќе нема договор е „најдобар начин“ да се постигне договор.

Нему му било кажано дека владата може да се подготви за тоа сценарио, но бил запрашан дали тој е подготвен да замине без договор.

„Да, ако треба, затоа што мора да постапуваме според упатствата на референдумот, но не мислам дека ќе се најдеме во таа позиција, бидејќи искрено верувам дека ќе добиеме договор“, рече Кернс.

Портпаролката на Дрејкфорд рече: „Коментарите на државниот секретар се чини дека се повеќе за да го заштити своето место во случај на нов премиер, наместо да се залага за илјадниците велшки работници што ќе ги загубат своите работни места како резултат на брегзитот. Брегзитот без договор тешко ќе го погоди Велс.“

„Новите бариери за нашите извозници, губењето на слободниот пристап до најголемиот пазар на Велс и заканите за работните места и благосостојбата како резултат на тоа не може да се отфрлат со нејасно ветување дека на крајот сè ќе биде во ред“.

САД денес остануваат држава со најнапреден систем на високо образование во светот, со најголем број на научни публикации, инвестиции во наука, патентирање на иновации и на добитници на Нобелова награда.

повеќе

(Реакција на колумната на Наум Кајчев, „За Гологанови и нашата заедничка историја“, 15 септември 2019, МКД.мк)

повеќе

Деликатна јазична авантура е ако се излезе од основното и утврдено значење на зборовите и се прејде во сферата на жаргонот и колоквијалноста.

повеќе