Напнато во Јужно Кинеско Море: воени бродови опкружија американски носач на авиони (ФОТО)

Сателитските слики објавени на социјалните мрежи покажуваат американски носач на авиони опкружен од неколку воени брода. Јапонски Тајмс известува дека веројатно се кинески.

Само неколку дена пред прославата на 70-годишнината од Народна Република Кина, американскиот носач на авиони „Роналд Реган“ стациониран во Јапонија вплови во спорното Јужно Кинеско Море.

Сателитските слики објавени на социјалните мрежи покажуваат дека тој бил опкружен од неколку неидентификувани воени брода, вели јапонски Тајмс, наведувајќи дека веројатно станува збор за кинески бродови.

Весникот пренесува дека портпаролката на американската Седма флота Риан Момсен не сакала да ја потврди локацијата на „Роналд Реган“, но рекла дека носачот на авиони спроведува „рутински операции“.

Кинеското Министерство за одбрана оцени дека САД испратиле носач на авиони во Јужно Кинеско Море за да „покажат сила и да ја засилат милитаризацијата во регионот“.

Министерството ги повика САД да ја почитуваат загриженоста за безбедноста на земјите од регионот и да дадат позитивен придонес кон мирот и стабилноста.

Пекинг со децении води спорови со неколку земји во азиско-пацифичкиот регион околу територијалната припадност на многубројните острови во Јужно Кинеско Море, во кое се откриени значителни резерви на јагленоводород.

Соединетите Држави не се страна во спорот, но не ги признаваат претензиите на Кина и инсистираат на своја „слободна пловидба“ во регионот, вели јапонски Тајмс.

Кодификацијата на бугарскиот јазик се случила цели шест месеци и 25 дена покасно од кодификацијата на македонскиот јазик.

повеќе

Два месеци по недобивањето датум за преговори за членство на Македонија во ЕУ, малку знаеме која беше улогата на Бугарија во тоа.

повеќе

И покрај сите обиди, темата „Закон за јазиците" не „лепи".

повеќе