Нападната воена парада во Иран, 8 загинати (ВОЗНЕМИРУВАЧКО ВИДЕО)

Најмалку 8 војници загинаа, а дваесетина се повредени во напад на неидентификувани напаѓачи за време на воената парада во градот Ахваз во југозападниот дел на Иран, објави државната телевизија.

Државната телевизија објави дека е нападната трибината со официјални лица кои се собрале за да ја следат редовната годишна воена парада со која се одбележува почетокот на ирачко-иранската војна.

Иран денес оддржува неколку воени паради, вклучително и во главниот град Техеран и во пристанишниот град Бандар Абас.

„Огнот го отворија неколку вооружени мажи кои се наоѓале позади трибината за време на парадата. Неколку луѓе се убиени, а повеќе се повредени“, објави телевизијата. Локалните медиуми објавија дека пукањето продолжило откако напаѓачите се обиделе да избегаат.

Неименуван официјален претставник од Револуционерната гарда изјави дека за нападот се одговорни арапски националисти кои се поддржани од Саудиска Арабија, пренесе новинската агенција ИСНА.

Без оглед на фактот што од постоењето на уметноста постои и теорија и приказна за тоа, уметничкиот процес останува крајно неразбирлив.

повеќе

Што е потребно младите велешки занаетчии да не станат самоубиствени гемиџии, туку да ги тераат своите замисли напред.

повеќе

Брзата храна и газираните пијалоци се водечки причинители на прекумерна телесна тежина, која пак значително го намалува нашиот животен век и квалитет на живот.

повеќе