Напад со нож во седиштето на полицијата во Париз: убиени се најмалку четворица полицајци, напаѓачот е застрелан (ВИДЕО)

Најмалку четворица полицајци се убиени во напад со нож во седиштето на париската полиција, јавуваат агенциите. Напаѓачот, кој наводно бил вработен во главната станица, бил застрелан и убиен.

Седиштето на полицијата, сместено во срцето на француската престолнина, се наоѓа наспроти катедралата Нотр Дам.

Најмалку четворица полицајци се убиени, јави француската телевизија БФМ. Полициски извори за Ројтерс изјавија дека напаѓачот е убиен, додека портпаролот на полицијата одби да го коментира инцидентот.

Метро станицата во близина на главната полициска станица е затворена од безбедносни причини.

Францускиот министер за внатрешни работи, Кристофер Кастанер, по нападот пристигнал во седиштето на полицијата.

Напаѓачот, според француските медиуми, е вработен во администрацијата во истата зграда, што му овозможило лесно да влезе во објектот. Се верува дека напаѓачот користел керамички нож кој не го откриваат детекторите на метал.

Нападот се случува еден ден по националниот штрајк на француската полиција поради насилството против полицајците и сѐ поголемиот број самоубиства меѓу припадниците на полицијата.

Овогодинешниот процес во одлучување по конкурсот за финансирање на проекти за игран филм е селективен, корумпиран и компромитиран,

повеќе

Во споредба со 2019 година, просечното време поминато на социјалните медиуми во 2020 година се зголеми за рекордни 100% на сите платформи.

повеќе

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе