Палестинците го гаѓаа јужен Израел

Најжестоко ракетирање од Газа по неколку месеци – испукани се дваесет ракети (ВИДЕО)

Палестинските екстремисти од појасот Газа вечерва испукаа околу 20 ракети на југот на Израел, соопшти израелската војска.

Како што е наведено, десет ракети пресретнал израелскиот противракетен систем „Железна купола“.

Ова е најжестокото ракетирање од Газа по неколку месеци, но немало повредени или штета, пренесоа израелските медиуми.

На баражниот ракетен оган му претходеше судир на границата меѓу Газа и Израел, во кој беше убиен еден Палестинец, а втор беше ранет додека се обидувале да постават експлозив.

Ракетниот напад, како што изгледа, е одмазда на екстремистичките организации во појасот Газа.

Исламски џихад и Хамас, кој владее во Газа, соопштија дека „крвта на мачениците не е пролеана залудно“. 

Додека израелските војници телото на убиениот го изнесувале од тампон-зоната околу појасот Газа со булдожер во придружба на тенк – што ги навреди Палестинците, група Палестинци фрлале врз нив камења, а се слушало и пукање. Палестинските медиуми известија дека четири лица се ранети од израелскиот оган.

 

„Каде да летнеме викендов е пристап што како таков повеќе нема да постои“...

повеќе

Зголемувањето на парите за финансирање на партиите не помагаат во поттикнувањето на политичката активност на граѓаните, туку веројатно и делуваат контрапродуктивно, зголемувајќи ја недовербата во партиите и политичарите.

повеќе

За помалку од еден месец по олеснувањето на рестриктивните мерки, Косово се соочува со нагло зголемување на бројот на случаи со ковид-19, 

повеќе