Најмалку 41 лице загинаа во и околу Њујорк откако бурата Ида предизвика силни дождови и поплави (ВИДЕО)

Најмалку 41 лице загинаа во силните дождови и поплави предизвикани од минувањето на бурата Ида во Њујорк и околните држави во североисточниот дел на САД.

Фото: ЕПА

Во Њујорк, економски и културен центар на земјата, полицијата забележа најмалку 12 мртви, од кои 11 веројатно се удавиле во подрумите на зградите, во населбите Менхетн, Бруклин и Квинс.

Жртвите биле на возраст од две до 86 години, а пожарникарите спасиле стотици жители на погодените згради.

Три лица се удавиле во водата додека се обидувале да излезат од автомобил во луксузната област Вестчестер, северно од Менхетн, изјави официјален претставник од таа област.

Најтешкиот биланс го има американската држава Њу Џерси, која се наоѓа спроти Њујорк, каде што најмалку 23 луѓе го загубија животот како последица на невремето, изјави гувернерот Фил Марфи.

Повеќето од жртвите биле заробени во своите возила поради поројот и најверојатно се удавиле, додаде тој.

Во Филаделфија, во сојузната држава Пенсилванија, исто така на истокот од земјата, загинаа три лица, објавија властите.

Улиците и авениите брзо се претворија во реки, во населбите Бруклин и Квинс, како и во округот Вестчестер, северно од Њујорк.

Во Вестчестер, кој се наоѓа на морскиот брег, вчера сѐ уште беа поплавени десетици возила до покривите, а подрумите на убавите традиционални куќи на источниот брег беа преплавени со каллива вода, која на некои места достигнуваше и до 60 сантиметри.

Големиот метросистем во Њујорк делумно започна да работи вчера по поплавата во неколку станици.

Американската метеоролошка служба регистрираше апсолутен рекорд од 80 милиметри дожд на час во Централ парк во Њујорк.

Во текот на ноќта, новиот гувернер на сојузната држава Њујорк, Кец Кочул, прогласи вонредна состојба поради големите поплави во сите области на брегот на градот, кои зафаќаат околу 20 милиони жители.

Градоначалникот на Њујорк, Бил де Бласио, чиј град едвај се опоравува од пандемијата на коронавирусот, изрази жалење поради „историскиот метеоролошки настан“.

Ураганот Ида, ослабен до посттропски циклон, го продолжува патувањето на север и над Нова Англија.

Претседателот Џозеф Бајден денеска ќе ја посети Луизијана, држава во јужниот дел на Соединетите Држави, каде што ураганот Ида во неделата стигна до копното, уништи многубројни згради и остави повеќе од милион домаќинства без струја.

„Сите сме заедно во ова. Државата е подготвена да помогне“, рече Бајден.

Легенда под Главна слика

Фото: ЕПА

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе

Со само 48% вакцинирано население, недозволиви грешки на стручниот штаб за Ковид-19 и масовни протести против вакцинација, очигледно е дека кампањата за вакцинација во Словенија беше навистина неуспешна. 

повеќе