Најголема провокација досега: Кина со 28 воени авиони упадна во воздушниот простор на Тајван

Кинеските воени воздушни сили вчера испратија 28 воени авиони, вклучително ловци и бомбардери способни да носат нуклеарно оружје, во воздушниот простор на Тајван.

Screenshot

Според Си-ен-ен, ова е најголемиот ваков инцидент откако Тајванската противвоздушна одбрана воведе т.н. зони на идентификација минатата година.

Во групата воени авиони имало ловци, бомбардери, извидници и специјални против-подморнички авиони, пренесува Си-ен-ен, потсетувајќи дека на 12 април Кина испратила 25 воени авиони во воздушниот простор на Тајван.

Официјален Пекинг одби да го коментира инцидентот, но тајмингот е значаен со оглед на неодамнешната изјава на Г7, која ги обединува најбогатите земји на Запад. Имено, Г7 ја осуди Кина за бројни повреди на човековите права и побара независна истрага за потеклото на коронавирусот. Пекинг ги нарече ваквите изјави „клеветнички“.

Тајван не е меѓународно признат, а Кина официјално го смета за нејзина одметната 23-та покраина и инсистира на тоа дека порано или подоцна, мора да се врати под нејзин суверенитет. Инаку, кинескиот претседател Си Џинпинг, под кого Кина зазеде многу поагресивен став на светската сцена, вети дека Тајван никогаш нема да стане официјално независен, дури и по цена на насилно враќање на островот под власта на Пекинг.

Затоа, САД стравуваат дека повеќе нема да можат да ја одвраќаат Кина од насилно окупирање на Тајван, како што тоа успешно го прават изминатите 70 години, со комбинација на пресметана дипломатија и воена надмоќ. Имено, цело време, откако поразената националистичка страна во граѓанската војна најде засолниште во Тајван во 1949 година, Кина инсистира на тоа дека постои само една Кина и дека Тајван не е вистинска држава. САД официјално цело време се согласуваат со доктрината „една Кина“, додека во пракса обезбедуваат опстанок на друга Кина, односно Тајван, заштитувајќи ја од кинеската агресија.

Но, дека ситуацијата драматично се менува, потврди и американскиот адмирал Фил Дејвидсон, сегашен командант на индо-пацифичката команда кога на сослушување во март во Конгресот предупреди дека кинеска инвазија на Тајван може да се случи „во следните десет години, всушност следните шест години“.

Американската војска на почетокот на овој месец предупреди дека Кина најверојатно ќе го забрза планот за преземање контрола над Тајван.

Легенда под Главна слика

Screenshot

Во последните 30 години сите политички партии, независно од тоа колку демократски се претставуваат во своите програми, на државата гледаат како на инструмент, што е пак првиот сигнал, чекор кон авторитарност.

повеќе

Ако денес направиме една историска книжевна паралела, драмското дело на Стефановски ќе го квалификуваме како антологиски бисер, кого и сегашните и идните генерации ќе го чуваат како неодминлив столб на целокупната македонска драмска литература.

повеќе

За првпат во историјата на албанската демократија, една иста партија ќе биде на чело на земјата три последователни мандати. 

повеќе