Минск

Најголем раскол во христијанството во последните 1.000 години - Руската црква ги прекина односите со Вселенската патријаршија

Руската православна црква соопшти дека одлучи да ги прекине сите односи со Вселенската патријаршија откако таа најави дека ќе ја поддржи автокефалноста на Украинската црква, односно нејзиното отцепување од Московската патријаршија.

Рускиот митрополит Иларион денеска во Минск изјави дека Руската црква немала друг избор, освен да ги прекине односите со патријаршијата во Цариград (Истанбул), јави Ројтерс.

Минатата недела Украина доби дозвола Вселенската патријаршија да покрене процес на воспоставување на автокефална Украинска црква, што, како што јави Ројтерс, за официјален Киев е запирање на мешањето на Русија во внатрешните работи на Украина.

За Руската црква ова е најголемиот раскол во христијанството во последните 1.000 години.

Ова значи дека Руската православна црква и Вселенската Патријаршија од вечерва нема повеќе да сослужуваат.

Членовите на Синодот на Руската Црква одлучиле дека повеќе не можат да останат во канонско единство со Вселенската патријаршија.

„Прифаќањето во заедница на дисиденти и личности анатемизирани во друга локална црква со сите „епископи“ и „свештеници“ раководени од нив, ја става Константинополската патријаршија надвор од канонското поле и, на наша голема тага, ни оневозможува да ја продолжиме евхаристиската заедница“, стои во одлуката на Руската црква.

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе