Најавен првиот состанок на Американците со талибанците по повлекувањето: „Ќе ги притиснеме“

Американска делегација ќе разговара со талибански претставници во Доха викендов, за прв пат по повлекувањето од Авганистан, објави Ројтерс, повикувајќи се на двајца високи претставници на администрацијата.

Фото: ЕПА

Американската делегација на високо ниво ќе вклучува службеници од Стејт департментот, УСАИД и американската разузнавачка заедница и ќе изврши притисок врз талибанците на американски други државјани да им се овозможи безбеден излез од Авганистан и да го ослободат киднапираниот американски државјанин Марк Фрерикс, велат службениците.

Друг врвен приоритет ќе биде да се потсетат талибанците за нивното ветување дека нема да дозволат Авганистан повторно да стане центар на Ал Каеда или други екстремисти, но и да ги принудат да го подобрат пристапот до хуманитарна помош, бидејќи сериозна хуманитарна криза се надвива над Авганистан.

Специјалниот претставник на САД Залмај Калилзад кој со години го предводеше американскиот дијалог со талибанците и беше клучна фигура во мировните преговори со групата, нема да биде дел од делегацијата.

Во американскиот тим ќе бидат заменик специјалниот претставник на Стејт департментот Том Вест, како и високата хуманитарна претставничка на УСАИД Сара Чарлс. На талибанската страна ќе присуствуваат владини претставници.

„Овој состанок е продолжение на прагматичните ангажмани со талибанците што ги имавме за прашања од витален национален интерес“, рече високиот претставник, сакајќи да остане анонимен.

„Овој состанок не се бави со признавање или давање легитимитет. Остануваме јасни дека секој легитимитет мора да се стекне со сопственото делување на талибанците“, рече официјалниот претставник.

Дведецениската окупација на Авганистан од страна на Соединетите Држави кулминираше со набрзина организиран авионски превоз во август, во кој повеќе од 124.000 цивили, вклучувајќи Американци, Авганистанци и други, беа евакуирани откако талибанците ја преземаа власта.

Иако талибанците ветија дека ќе бидат поинклузивни отколку што ја водеа земјата од 1996 до 2001 година, САД постојано повторуваат дека ќе ѝ судат на новата талибанска влада врз основа на нејзините постапки, а не на зборовите.

„Сигурно ќе извршиме притисок врз талибанците да ги почитуваат правата на сите Авганистанци, вклучително и жените и девојките, и да формираат инклузивна влада со широка поддршка“, рече американскиот претставник.

Легенда под Главна слика

Фото: ЕПА

Го потсетувам претседателот на државата дека уставниот рок за создавање на парламентарно мнозинство е 20 дена, а веќе 30 дена Владата нема парламентарно мнозинство.

повеќе

Неразрешеноста на случајот („Јавна соба“) дури после речиси две години од неговото откривање ја активира јавноста бидејќи се руши илузијата дека надлежните работат на случајот.

повеќе

На националистичките агенди во регионот им треба релативно мала искра за да се направи многу поголем пламен.

повеќе