За слободни локални избори

Над 20.000 луѓе демонстрираа во центарот на Москва (ВИДЕО)

Над 20 илјади луѓе, меѓу кои и лидерите на руската опозиција, се собраа денес во центарот на Москва барајќи слободни и чесни локални избори, со повиците „Русија ќе биде слободна!“, „Срамота!“ и „Ова е наш град!“.

Опозицијата повика на протести откако руските власти ги поништија пријавите на околу шеесетина кандидати за изборите за московското градско собрание најавени за септември.

„Ова е очигледно најголемиот опозициски собир во последните години“, изјави политичкиот противник на Кремљ, блогерот и активист против корупцијата Алексеј Навални, кој со соработниците беше учесник на протестот.

Невладината организација Бел бројач, специјализирана за процена на бројот на учесници на собирите, објави дека најмалку 22.500 луѓе присуствувале на собирот одобрен од власта.

Дел од демонстрантите носеа транспаренти „Не за Путин!“ и „Имам право на глас“ заедно со руските знамиња.

Во обраќањето до демонстрантите 43-годишниот Навални побара од власта до следната сабота да ги прифати пријавите на сите кандидати. Во спротивно, како што кажа, ќе организира нов голем протест пред градското собрание.

Адвокатката Љубов Собол (31), која е исклучена од изборната трка и е блиска соработничка на Навални, кажа дека е сигурна во победата. „Нема да се откажеме“, кажа таа.

Московската изборна комисија во средата исфрли од предизборната трка 57 кандидати, главно од опозицијата, поради формални пропусти и неправилности за кои опозицијата тврди дека се измислени.

Московјаните на регионални и локални избори на 8 септември на петгодишен мандат ќе избираат 45 советници на локалното собрание кои ќе имаат задача да ги одобруваат одлуките на градоначалникот Сергеј Собјанин, кој е лојален на Кремљ.

Два месеци по недобивањето датум за преговори за членство на Македонија во ЕУ, малку знаеме која беше улогата на Бугарија во тоа.

повеќе

И покрај сите обиди, темата „Закон за јазиците" не „лепи".

повеќе

Дали ние, луѓето, сакаме да продолжиме да живееме добро и безбедно на оваа планета?

повеќе