Над 1,45 милијарди дози вакцина против коронавирусот дадени низ светот

Досега се дадени повеќе од 1,45 милијарди дози вакцина против коронавирусот низ целиот свет, покажаа денеска бројките на „Нашиот свет во податоци“.

Фото: ЕПА

Кина е највакцинираната земја со скоро 393 милиони дози, според податоците на веб-страницата. Следуваат САД со повеќе од 270,83 милиони дози. Индија дала 181,54 милион дози, Велика Британија 56,02 милиони, а Бразил над 52,64 милиони. Германија има дадено 39,41 милиони дози, Франција 28,47 милиони, а Италија 27,01 милиони дози.

Списокот продолжува со Турција, која дала повеќе од 25,78 милиони дози. Следуваат Русија, Индонезија и Мексико.

Земјата со најмногу дози на вакцини дадени според бројот на жители е источноафриканската островска држава Сејшели, со 133 дози на 100 луѓе.

Повеќето вакцини против ковид-19 се даваат во две дози, така што бројот на дадените дози не значи дека вакцинирањето на тој број лица е завршено.

Од декември 2019 година, пандемијата однела над 3,37 милиони животи во 192 земји и региони, со повеќе од 162,59 милиони случаи пријавени низ светот, според бројките до кои дошол американскиот универзитет Џонс Хопкинс.

САД, Индија и Бразил остануваат најтешко погодени земји во однос на бројот на заразените.

Легенда под Главна слика

Фото: ЕПА

Ќутејќи - банализирамо. Банализирајќи - нормализирамо. Нормализирајќи - дозвољуемо пред очи да ни се повампируа фашизмот и нацизмот.

повеќе

Самата идеја на странските директни инвестиции е да донесе нови вработувања со повисоки плати кои треба да ги исплаќа странскиот инвеститор.

повеќе

Треба да се размисли за тоа дека сите предлози и промени кои доаѓаат од Брисел, не можат ефикасно да се применат и во Македонија и да се дејствува во правец на благосостојба на граѓаните, а не само на профитите.

повеќе