Втор ден од парламентарните избори во Русија, опозицијата споменува измама

Во сабота, низ Русија се одржува вториот ден од парламентарните избори, а избирачките места се отвораат во 11 временски зони, но изборите веќе се засенети од обвинувања за измама од страна на опозициските активисти.

Фото: ЕПА

Во недела, по затворањето на избирачките места, се очекува Русија да избере нова Дума за следните пет години, која ќе брои 450 членови, како и неколку нови регионални и градски управи.

Во петокот, првиот ден од гласањето, независни набљудувачи од организацијата за права на гласачите Голос забележале околу 2.000 процедурални прекршоци, а воглавно се работело за фотографирање и снимање видеа, што е вообичаен показател за купени гласови.

Според извештајот на Голос, евидентиран е масовен прилив на луѓе во униформи на изборите, што покажува дека владата ги мобилизира сите државни службеници за да обезбеди победа на владејачката партија Единствена Русија. Исто така, постојат извештаи за луѓе кои гласале повеќе пати.

„Беше ужасен ден. Нечист и валкан“, напиша на Твитер Ирина Фатјанова, локална политичарка од Санкт Петербург.

Според Голос, Централната изборна комисија одбила да ги разгледа жалбите и едноставно ги искинала.

Спротивно на тоа, лидерката на Централната изборна комисија Ела Памфилова ја пофали организацијата на гласањето во петокот.

Про-Кремљ ориентираната Единствена Русија се обидува да го задржи апсолутното мнозинство во Думата, а партијата е поддржана од претседателот Владимир Путин, за кого изборите се важен тест за националното расположение.

На многу истакнати опозициски личности не им е дозволено да гласаат. Меѓу нив има поддржувачи на затворениот отворен критичар на Кремљ, Алексеј Навални, кој од својата казнена колонија надвор од Москва повика на „паметно гласање“ против Единствена Русија.

Тимот на Навални се пожали дека апликацијата за размена на пораки Телеграм во саботата за првпат ги блокирала предизборните реклами на опозицијата.

Основачот на Телеграм Павел Дуров објасни дека апликацијата е блокирана бидејќи во изборните денови кампањата повеќе не била дозволена. Тој се осврна и на фактот дека Епл и Гугл во петокот ја отстраниле апликацијата Паметно гласање од своите руски онлајн продавници, која е дизајнирана од тимот на Навални.

Опозициските активисти ги обвинија американските технолошки гиганти и Дуров за политичка цензура.

Легенда под Главна слика

Фото: ЕПА

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе