На првите јавни сослушувања сведоци

„На Трамп му е поважна истрагата за Бајден од американската политика кон Украина“ (ВИДЕО)

Вилијам Тејлор за време на сведочењето во првиот ден од јавната расправа рече дека член на неговиот персонал го слушнал Трамп како се распрашува за „истраги“ во Украина.

Вршителот на должноста американски амбасадор во Украина Вилијам Тејлор денеска сведочи во првите јавни сослушувања сведоци во истрагата за импичмент на претседателот Доналд Трамп.

Тејлор на сослушувањето рече дека американскиот амбасадор во ЕУ, Гордон Сондланд, му рекол на еден од Тејлоровите помошници дека на Трамп му се поважни „истрагите за Бајден“ отколку политиката на САД кон Украина.

И додека портпаролката на Белата куќа тврдеше дека Трамп не ги гледа сослушувањата, туку „си работи“, тој за тоа време реобјави низа твитови на разни републиканци што го бранат него.

„Се обидуваат да ме запрат бидејќи јас се борам за вас. И никогаш нема да го дозволам тоа“, објави тој на Твитер.

Во меѓувреме во посета на Трамп во Белата куќа пристигна турскиот претседател Реџеп Таип Ердоган.

На прашањето од новинарите за јавното сослушување за импичментот, Трамп рече: „Тоа е лов на вештерки, тоа е измама. Премногу сум зафатен за да го гледам. Не ме брифираа“ и додаде: „Тие користат адвокати што се телевизиски адвокати“.

Овие сослушувања сведоци се прелиминарен процес со кој конгресните комисии во Претставничкиот дом настојуваат да утврдат дали постои основа за отповикување на Трамп.

Кодификацијата на бугарскиот јазик се случила цели шест месеци и 25 дена покасно од кодификацијата на македонскиот јазик.

повеќе

Два месеци по недобивањето датум за преговори за членство на Македонија во ЕУ, малку знаеме која беше улогата на Бугарија во тоа.

повеќе

И покрај сите обиди, темата „Закон за јазиците" не „лепи".

повеќе