На Словенците ковид-потврди ќе им бидат потребни и за работа од дома

Ковид-потврда во Словенија мора да имаат и вработените кои работат од дома, објавија словенечките медиуми, повикувајќи се на министерството за труд.

EPA-EFE

Словенија воведе ковид-потврди за работа, влегување во трговски центри, здравствени установи, возење со јавен превоз, освен за учениците, за различни услужни дејности и јавни установи.

Министерството за труд сега објасни дека од обврската да достават потврда за вакцинација, прележан ковид или негативен тест не се ослободени ни оние кои работат од дома, пренесува Н1.

Ако вработените кои работат од дома немаат ковид-потврда, мора да се тестираат со брз антигенски тест за самотестирање најмалку еднаш неделно, а потоа на работодавецот мора да му испратат потврда на која се наоѓа датумот на тестирањето, резултатот од тестот и потпис. Трошоците за тестирањето ги сноси работодавецот.

Ако вработениот не го направи тоа се смета дека ги прекршил обврските кои произлегуваат од работниот однос и работодавецот може да го казни во согласност со законот за работни односи, објаснија од министерството.

Словенечките угостители во отворено писмо до владата побараа укинување на задолжителните ковид-потврди, предупредувајќи дека им паѓа прометот и дека потврди, според новите правила, мора да имаат и гостите на терасите.

Синдикатот на угостителите наведе дека го поддржува барањето на полицискиот синдикат уставноста на новите правила да ги провери уставниот суд.

Синдикатот на полицајците на Словенија соопшти дека иницијативата до уставниот суд ја поднел затоа што со владиниот протокол вакцинација или прележан ковид се услов да се задржи работниот однос.

Продолжувањето на таквата „недозволива пракса“ би можело да доведе и до удар врз други човекови права и основни слободи, чии жртви би можеле да станат сите граѓани, тврди полицискиот синдикат.

Владата минатата седница објави одлука според која сите државни службеници, освен оние кои тоа не го можат од медицински причини, ќе мора да се вакцинираат против ковид, а првата доза мора да ја примат до крајот на септември.

Легенда под Главна слика

EPA-EFE

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе