Според анкетите

На Салвини му паѓа популарноста по предизвикувањето на политичката криза

Италијанскиот десничарски лидер Матео Салвини губи на популарност по предизвикувањето на политичката криза, покажуваат денес објавените резултати од истраѓувањето на јавното мислење.

Салвиниевата Лига ја поддржуваат 31,3 отсто од гласачите, покажува анкетата спроведена од институтот Тецне, а ја објави порталот Сценариполитичи.

Во претходната анкета, објавена на 6 август, Лига ја поддржуваа 38 отсто од гласачите.

Во истиот период на Движењето на 5 ѕвезди (М5С) му пораснала поддршката од 17,5 на 20,8 отсто, како и на Демократската партија (ПД) од 22,4 на 24,6 отсто, објави институтот Тецне.

ПД и М5С, двете партии кои ќе се обидат да формираат нова италијанска влада, денес го одржаа првиот круг од преговорите.

Нивниот сојуз се смета за единствена алтернатива на предвремените избори на кои, според анкетите, сепак би побели ултрадесничарската Лига на поранешниот министер за внатрешни работи Салвини.

За решавањето на политичката криза во Италија ќе одлучува претседателот Серџо Матарела, кој мора да избере дали ќе именува нова влада или ќе го распушти парламентот и ќе свика нови избори.

Новиот круг од преговорите е најавен за вторник.

ЕУ покажа дека не е во состојба да ги исполни ветувањата дадени пред скоро две децении во Солун и одлучи веќе да не се преправа.

повеќе

Кога политичарите сватија за каква моќна алатка се работи, час поскоро побрзаа да менуваат закони со кои „бомбите" нема да бидат докази.

повеќе

Брегзитот, односно напуштањето на Велика Британија на ЕУ, без сомневање ќе влијае врз градењето на новата политичка архитектура во Европа, со нова поделба на интересни зони на стариот континент.

повеќе