На протестите во Хонг Конг им се придружија и наставници

Во Хонг Конг продолжија протестите против властите блиски до официјален Пекинг, во кои, во знак на поддршка на учесниците на демонстрациите, се приклучија и наставниците.

Тие бараат од владата да одговори на барањата на демонстрантите и да престане да се служи со полициско насилство за да ги растера демонстрантите.

Демонстрантите, кои го преплавија јавниот плоштад во финансиската област, носеа транспаренти на кои пишуваше „Заштитете ја следната генерација“, пренесува АП.

Ова е 10-та недела на протести во Хонг Конг, кои не покажуваат знаци на смирување, а викендов се планираат серија митинзи и барем еден марш.

Демонстрантите бараат оставка од градската лидерка, демократски избори и независна истрага за, како што велат, употребата на полициска сила.

АП наведува дека во блискиот Шенжен кинеската полиција одржува вежби, предизвикувајќи шпекулации дека нејзините членови може да бидат испратени во Хонг Конг за да ги задушат протестите.

Социјалниот маркетинг веднаш би можел ефективно да придонесе во напорите против нееколошкото однесување во нашата земја.

повеќе

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе

Интеграциите и буџетски субвенционираната економија и социјала се проектираните теми на кампањата на власта за претстојните избори.

повеќе