„Бриселските санкции нѐ уништуваат нас!“

На плакати низ цела Унгарија Орбан санкциите против Русија ги спореди со бомби (ВИДЕО)

Во унгарските градови се појавија плакати со зборовите „Санкциите од Брисел нѐ уништуваат нас!“.

Фото: Твитер

Владата на унгарскиот премиер Виктор Орбан почна кампања во која тврди дека санкциите против Русија ја уништуваат Унгарија. 

„Бриселските санкции нѐ уништуваат нас!“, пишува на плакатите, кои осамнаа на улиците и во јавниот превоз. Санкциите на плакатите визуелно се претставени како бомби.

Кампањата се појави откако унгарската влада минатата недела почна национално консултативна истражување во кое ги прашува граѓаните дали се согласуваат или не се согласуваат со противењето на владата кон санкциите на ЕУ воведени на Русија поради нејзината инвазија на Украина.

Орбан постојано тврди дека санкциите ѝ штетат на Европа повеќе отколку на Русија со загрозувањето на снабдувањето со енергија и стабилноста на цените.

„Ние веруваме дека санкциите нè уништуваат нас“, се вели во соопштението на владината страница на Фејсбук, каде што беше објавено истражувањето со седум прашања, финансирано од даночните обврзници.

Прашалникот „За бриселските санкции“ ќе биде испратен на национално ниво до околу осум милиони домаќинства во Унгарија, а од испитаниците ќе биде побарано да го вратат до 9 декември.

Едно од прашањата е дали испитаниците се согласуваат со потенцијалните санкции за испораките на руски гас наметнати од „лидерите од Брисел“, што „ќе го доведе во опасност греењето на домаќинствата и способноста на европската економија да функционира“.

Во друго прашање, за влијанието на санкциите врз нивото на цените, особено цените на храната, се обвинуваат антируските мерки за вртоглавата инфлација, „зголемувањето на ризикот од глад во земјите во развој“, што „води до зголемен миграциски притисок“ на европските граници.

Унгарците пред еден месец отворено кажаа дека се против воведување нов пакет санкции против Русија.

„Во светот има јасна слика дека ефектите од санкциите се уште посилни од последиците од војната во Украина“, изјави тогаш министерот за надворешни работи Петер Сијарто.

Брисел и Будимпешта се во судир откако Европскиот парламент изјави дека Унгарија повеќе не може да се смета за демократска држава. Заедно со механизмот за условување воведен против оваа земја, ЕУ има можност да ги запре плаќањата од фондовите на ЕУ.

Така, сега Европската комисија работи на суспендирање на пристапот до 7,6 милијарди евра од фондовите на ЕУ за Унгарија, поради постојаните обвинувања за корупција. Земјата има рок до 19 декември да го исполни ветувањето за спроведување на антикорупциските закони и зајакнување на независноста на нејзините судови од извршната власт. А Унгарија сѐ уште чека 5,8 милијарди евра од Фондот за обнова.

Легенда под Главна слика

Фото: Твитер

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе

Деновиве адвокатот Тортевски во дебатна емисија рече дека немаме критична маса за држава. Не знам дали е така, но изгледа немаме критична маса за сериозни дебати и дијалози во општеството. 

повеќе

Светска банка проценува дека за секој долар инвестиран во здравството, државата има бенефит од 4 долари во смисла на зголемена економска продуктивност.

повеќе