На паркинг во трговски центар во Белград обид за ликвидација на член на Пинк Пантер

Александар Шарац (35), член на криминалната организација Пинк Пантер, денес околу 16 часот во гаражата на Трговскиот центар Ушче во Белград е застрелан. Како што дознава Телеграф.рс, напаѓачот му пришол на Шарац во моментот кога тој се приближувал до своето возило Мерцедес и му испукал два истрела во главата, а потоа избегал.

Screenshot

Шарац паднал, а убиецот побегнал од местото на настанот. Иако прво се појавила информација дека Шарац починал по пристигнувањето во болницата, лекарите успеале да го реанимираат и тој сега се наоѓа на одделот за интензивна нега. Тој се наоѓа во многу тешка состојба.

Напаѓачот, снимен од безбедносните камери, носел црвена јакна, капа и маска.

Шарац не е прв пат цел на напад. Во јануари 2019 година, медиумите пишуваа дека тој бил мета на нападот во кој е убиен неговиот зет Небојша М.

Шарац имал подебело криминално досие, а еден од поголемите пленови со својата банда го ограбиле за време на операциите во Милано во септември 2016 година, во една луксузна продавница за накит. Во тоа време бил уапсен, а украдениот накит вредел повеќе стотици илјади евра, пишуваа тогаш италијанските медиуми.

Шарац бил уапсен во Србија по меѓународна потерница, а од затвор е ослободен кон крајот на 2018 година.

Легенда под Главна слика

Screenshot

Во Македонија само 1% од младите професионално се занимаваат со спорт, 7% спортуваат аматерски, додека 42% спортуваат рекреативно или практикуваат физичка активност во вид на хоби и рекреација.

повеќе

Нашето законодавство дава поголема важност на едно парче хартија отколку на вистинската состојба на терен.

повеќе

Еве што знаат мнозинството Македонци и Бугари родени до 1980 година.

повеќе