На левичарскиот терорист Шакалот му е одбиено намалување на доживотната казна

На Карлос Шакалот, левичарскиот терорист кој во седумдесеттите и осумдесеттите години изврши низа терористички напади низ светот, денес во Париз му беше потврдена една од доживотните казни.

EPA-EFE

Карлос беше осуден во 2017 на доживотна казна поради напад со граната во 1974 година во продавница на париските Елисејски полиња, при што беа убиени две, а повредени 36 лица.

Во жалбената постапка која почна во средата одбраната на Карлос не бараше отфрлање на вината, туку само намалување на затворската казна, откако највисокиот француски суд ја отфрли претходната пресуда поради технички прашања и ја врати постапката на понизок суд.

Кабинетот на парискиот обвинител денес објави дека жалбата е одбиена.

Самопрогласениот „професионален револуционер“, со вистинско име Илич Рамирез Санчез, е во затвор во Франција откако специјалните сили на таа држава го уапсија во суданската престолнина Картум во 1994 година.

Рамирез, роден во Венецуела кој денес има 71 година, има уште две доживотни казни и ги загуби жалбите во тие случаи.

Една од нив е за убиството на двајца француски полицајци и доушник во јуни 1975, а другата за напади врз возови, железничка станица и париска улица во 1982 и 1983 година, при што загинаа 11 луѓе а повредени беа уште 150.

Марксистичкиот милитант во седумдесеттите и осумдесеттите стана најбараниот бегалец и најголемиот непријател на западните влади.

Стана светски познат кога во име на палестинското прашање како заложници ги држеше министрите за енергетика на државите на ОПЕК во седиштето во Виена во 1975, кога загинаа три лица.

Прекарот Шакалот му го дадоа медиумите откако еден од новинарите во неговиот стан во Лондон видел примерок од книгата „Денот на Шакалот“ на Фредерик Форсајт.

Легенда под Главна слика

EPA-EFE

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе