Првпат од 1999 година

На изборите во Финска победија социјалдемократите

Социјалдемократската партија постигна тесна победа на парламентарните избори што се одржаа во Финска, со освоени 17,7 отсто од гласовите.

Веднаш зад неа е евроскептичката екстремно десна Партија на Финците, со 17,5 отсто, покажаа прелиминарните резултати.

„Првпат од 1999 година ние сме најголемата партија во Финска“, рече лидерот на СДП, Анти Рине.

Но со поделените гласови и без јасна победа на една партија, може да му биде тешко да изгради функционална коалиција.

Зелените и Левата алијанса исто така добија поголем процент гласови. Ова е првпат во повеќе од еден век ниедна партија да не освои над 20 отсто од гласовите.

Излезноста на изборите беше 72 отсто.

Според резултатите врз основа на 90 проценти изброени ливчиња, социјалдемократите ќе имаат 40 места во парламентот од 200 места, Партијата на Финците 39, а Конзервативната партија на националната коалиција 37.

Партијата на центарот на премиерот Јуха Сипилjа, главна партија во владата во заминување, освои 32 места.

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе

Ништо не ме научи повеќе за моите родители, а и за мене, од храната што тие ја обожаваа откако избегаа од Босна.

повеќе

Охрид, најголемиот и најпосетен туристички центар во Македонија, балканскиот Ерусалим и европскиот бисер, се менува со брзина на светлината.

повеќе