САД

„На Флорида ѝ се заканува уништување. Не можете да се сокриете. Бегајте!“ (ВИДЕО)

Ураганот Мајкл кој се движи кон бреговите на американската југоисточна држава Флорида се засили во категорија четири, јави денес Националниот центар за урагани.

Центарот го опиша ураганот Мајкл како „исклучително опасен“.

Ураганот е проследен со налети на ветар од 210 километри на час и денес треба да пристигне до американското крајбрежје кај Флорида, пренесе АП.

Бурата брзо прерасна од тропска депресија во ураган со опасен интензитет. Се очекува дека кога ќе стигне до Флорида ќе биде еден од најтешките урагани забележани во областа, со опасни бранови што може да достигнат висина до четири метри.

Според АП, официјални лица од Флорида изјавиле дека околу 375.000 луѓе долж Мексиканскиот Залив или добиле наредба да се евакуираат или им било препорачано да се евакуираат. Сепак, се стравува дека некои не ги послушале повиците да се скријат од оваа бура која брзо се движи преку топлите води на Мексиканскиот Залив.

Гувернерот на Флорида, Рик Скот рече дека Мајкл, „монструозната бура“, би можел да донесе „целосно уништување“. „Не можете да се сокриете од поплавите. Бегајте, наредена е евакуација“, истакна гувернерот. Загрижените метеоролози велат дека ураганот има потенцијал да стане една од најтешките бури во историјата на тој дел на Флорида.

Шерифот на округот Френклин, кој се наоѓа во близина на загрозеното крајбрежје, А.Ј Смит рече дека неговите помошници оделе од врата до врата на некои места за да ги повикаат луѓето да се евакуираат.

Ураганот Мајкл би можел да донесе околу 30 сантиметри дожд во некои места долж крајбрежјето на Флорида пред да се врати назад во морето во текот на следните неколку дена.

Според Законот за вработените во јавниот сектор, службениците можат да примаат подароци во вредност до 3000 денари годишно, што се смета за „пониска вредност“.

повеќе

Кинеското присуство во Македонија не треба да се преценува или стигматизира, туку да се искористи,

повеќе

Земјите од Западен Балкан се соочуваат со нов безбедносен предизвик: дерадикализација и реинтеграција на повратниците.

повеќе