На Асанж му е загрозен животот

Третманот на основачот на Викиликс Џулијан Асанж, кого Вашингтон го обвинува за шпионирање, додека му се заканува екстрадиција во САД, го загрозува неговиот живот.

Ова го оцени известувачот на ОН за тиртура Нилс Мезер, изразувајќи загриженост околу влошувањето на здравствената состојба на Асанж по неговото апсење и притворот од почетокот на годината. Тој тврди дека животот на Асанж е во сериозна опасност.

„Ако Британија не го смени однесувањето и нехуманата ситуација во која е, понатамошната изложеност на Асанж на арбитрарност и кршењето на неговите права би можеле да го чинат животот“, кажа Мезер.

Известувачот на ОН кажа дека е особено загрижен поради новите медицински информации од неколку доверливи извори според кои Асанж влегол во „маѓепсан круг на анксиозност, стрес, немоќ, што е типично за лицата изложени на продолжена изолација и постојана арбитрарност“.

„Иако е тешко со сигурност да се предвиди развојот на тие симптоми, тие брзо би можеле да се претворат во состојба опасна по животот, како застој на работата на срцето или нервен слом“, додаде Мезер.

Асанж на 11 април беше исфрлен од амбасадата на Еквадор во Лондон во која се засолни во 2012 година и британската полиција веднаш го уапси. САД побараа екстрадиција на австралискиот новинар поради 18 точки од обвинението, а доколку во САД биде осуден за шпионирање за објавувањето на тајните државни документи, му се заканува повеќедецениска казна затвор.

И рускиот министер за надворешни работи Сергеј Лавров изјави неодамна дека верува во можноста дека Асанж е мачен во затворот во Лондон.

„Тие би требало да ги укинат и обвинувањата против поранешниот соработник на разузнавачките служби Едвард Сноуден, да го ослободат Џулијан Асанж и да престанат да користат мачење, на кое, според неговиот изглед, тој е подложен во притворот во Британија“, кажа Лавров.

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе