Москва за убиството на иранскиот генерал: „Авантуристички потег“ на САД кој ќе ги вжешти тензиите на Блискиот Исток

Русија денес предупреди на последиците од убиството на иранскиот генерал Касем Сулејмани во Багдад.

„Убиството на Сулејмани е авантуристички потег со кој Американците ќе предизвикаат вжештување на тензиите во регионот на Блискиот Исток“, соопшти руското министерство за надворешни работи.

Во соопштението се додава дека „Сулејмани верно им служеше на интересите на Иран“ и дека Русија му изразува искрено сочувство на иранскиот народ.

Командантот на елитна единица на Иранската револуционерна гарда Касем Сулејмани беше убиен ноќеска во американски напад со беспилотно летало на меѓународниот аеродром во Багдад. Пентагон соопшти дека Сулејмани е убиен по наредба на американскиот претседател Доналд Трамп.

Иранскиот врховен лидер ајатолахот Али Хамнеи и иранскиот претседател Хасан Рохани ветија одмазда за смртта на генералот.

Стравот од неизвесноста што ја носи пандемијата од ковид-19 вирусот, бара да се преструктуираме и да го промениме начинот на нашето однесување и работење.

повеќе

Ако имаме предвид дека секој збор има свое значење, тогаш оваа „железна завеса" кон Бугарија, за која зборува премиерот дека била подигната од Југославија, се доведува во корелација со Берлинскиот ѕид. А, железната завеса помеѓу двете германии доведе до нивно обединување.

повеќе

Јас, Ангела Илиевска , учесник во повеќе протестни движења низ годините наназад, со себе го носам товарот на мојата личност и идеалите кои ги застапувам низ сите тие движења.

повеќе