Излегле првичните резултати

Москва: Речиси 100 отсто од гласовите на референдумите се за приклучување кон Русија

Речиси 100 отсто од гласачите на четирите референдуми во Доњецката и Луганската народна република и регионите Запорожје и Херсон поддржуваат приклучување кон Русија, објави Москва.

Фото: ЕПА

Првичните делумни резултати покажуваат дека над 96 отсто од жителите во регионите Доњецк, Луганск, Запорожје и Херсон се за приклучување кон Русија, според руската државна новинска агенција РИА.

Ова го отвора патот за Владимир Путин да ги анектира четирите области, по што тој секој обид на Украина да ги врати ќе може да го прикаже како напад врз самата Русија.

Путин претходно овој месец предупреди дека е подготвен да користи нуклеарно оружје за да го одбрани „територијалниот интегритет“ на Русија доколку таа биде нападната од силите на Киев.

Западните влади нашироко ги осудија референдумите како лажни и рекоа дека нема да го признаат нивниот исход.

НАТО: Лажно гласање
 
Гласањата организирани од Москва во четирите окупирани региони во Украина за анексијата кон Русија се „лажни“ и се „еклатантно кршење на меѓународното право“, изјави денеска шефот на НАТО, Јенс Столтенберг.
 
Столтенберг на Твитер напиша дека разговарал со украинскиот претседател Володимир Зеленски „и јасно ставил до знаење дека сојузниците на НАТО се непоколебливи во поддршката на суверенитетот на Украина и правото на самоодбрана“.
 
„Лажните референдуми што ги одржува Русија немаат легитимитет и се грубо кршење на меѓународното право. Тие територии се украински“, рече Столтенберг.

Легенда под Главна слика

Фото: ЕПА

Сведоци сме деновиве на сензационална приказна за некаков американски тим кој, внимавајте, агресивно ќе ловел корупција во Македонија.

повеќе

Најавите на американската администрација за бескомпромисна  борба против овие корумпирани,  неспособни  и криминални структури на сите нивоа на државата за македонските граѓани се единствено светло во тунелот.

повеќе

Концептот на даночната реформа, кој го претставивме минатата недела на заедничка прес конференција со премиерот е дел од поголем процес за креирање на оптимален даночен систем кој ќе биде праведен и ќе го поддржи економскиот раст.

повеќе