Москва: Приштина го стега обрачот околу Србите

Мерките на косовските власти претставуваат „стегање на обрачот“ околу Србите и нивно систематско истиснување со „создавање неподносливи услови во духот на етничкото чистење“, изјави портпаролката на руското министерство за надворешни работи Марија Захарова.

На редовната конференција за новинарите таа ги повика меѓународните сили да го реализираат својот мандат и да не дозволат „насилство против косовските Срби“ и оцени дека меѓународните сили не го спречувале насилството ни претходно ни сега.

„Приштинските радикали намерно ја поткопуваат стабилноста и претставуваат извор на конфликти во балканскиот регион“, оцени Захарова.

Таа наведе дека албанските власти ја заоструваат контролата на границата објаснувајќи го тоа со затворање на нелегалните текови на стока од Србија, додека се влошува ситуацијата со снабдувањето со храна.

Покрај тоа, како што кажа, Приштина распишала потерници за повеќе српски политичари, парламентот на Косово усвои платформа во ултимативен тон „која ги обесмислува преговорите на Белград и Приштина“, а неодамна и се обидела да воспостави и контрола врз рударскиот комбинат Трепча.

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе

Кога знаеме како функционира кризата на претставеност, можеме да спречиме повторување на историјата, кое можеби овој пат би имало и многу полоши последици по демократското општество.

повеќе

Деновиве Владата донесе одлука за формирање на ново министерство. А и така, по глава на жител, верувам, рекордери сме по министерства и министри. Оттука, размислував зошто да не предложам да се формира уште едно – за „спречување автоголови".

повеќе