„Денес постоите благодарение на нас“

Москва: Полскиот претседател треба да биде кривично гонет за изјавите за воена отштета од Русија

Полскиот претседател Анджеј Дуда би требало да биде кривично гонет за изјави за воена отштета од Русија, изјави претседателот на Државната дума, долниот дом на рускиот парламент, Вјачеслав Володин.

EPA-EFE

Во интервју објавено вчера, Дуда кажа дека иако Германија ја почнала Втората светска војна и ја нападнала Полска, Русија „подоцна се придружила на оваа војна“ против Полска.

Според тоа, Варшава „треба да бара воена отштета и од Русија“, смета полскиот лидер.

Володин го обвини полскиот претседател дека го рехабилитира нацизмот и дека го навредува сеќавањето на оние „кои ги дале животите за слободата и независноста на полскиот народ“.

„Рускиот закон предвидува казни за таквите изјави. Треба надзорните органи да го проучат коментарот на Анджеј Дуда и да преземат соодветни мерки за да има кривична одговорност“, порача тој.

Володин потсети на високата цена која советскиот народ ја плати за ослободувањето на светот од нацизмот – 27 милиони мртви.

„Полска денес постои како држава само благодарение на нашата земја“, кажа Володин.

Коментарот на Дуда следи еден ден откако долниот дом на полскиот парламент изгласа од Германија да се бараат 1,3 илјади милијарди евра надомест за штетата направена за време на нацистичката окупација.

Германското министерство за надворешни работи претходно соопшти дека прашањето на воената репарација го смета за затворено.

Во меѓувреме, полските медиуми јавија дека пратеникот на владејачката партија Јарослав Крајевски побарал да се бараат 368 хектари од Чешка, како компензација за она што Варшава го смета за неповолно разграничување на полско-чехословачката граница во 1950-тите.

Легенда под Главна слика

EPA-EFE

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе

Деновиве адвокатот Тортевски во дебатна емисија рече дека немаме критична маса за држава. Не знам дали е така, но изгледа немаме критична маса за сериозни дебати и дијалози во општеството. 

повеќе

Светска банка проценува дека за секој долар инвестиран во здравството, државата има бенефит од 4 долари во смисла на зголемена економска продуктивност.

повеќе