Поради коронавирусот

Москва може да ја откаже Парадата на победата

Москва размислува за откажување на парадата во чест на 75-годишнината од победата во Втората светска војна, но сѐ уште не е донесена конечна одлука, изјави портпаролот на Кремљ Дмитриј Песков.

„За тоа прашање (откажување на парадата) несомнено се разговара. Засега не е донесена конечна одлука. Продолжуваат подготовките“, кажа Песков.

Тоа смета дека прашањето за можна организација на парадатав и нејзината форма „треба да се решава во зависност од развојот на епидемиолошката ситуација“.

На прашањето дали парадата може да се одржи без гледачи, Песков кажа дека „ситуацијата бара флексибилност“, и дека засега не треба да се зборува за можните опции.

„Треба да се направи сѐ, од една страна, да се искаже почитта кон сеќавањето на јунаштвото на нашиот народ, на нашата голема држава, а од друга страна да не се доведува во прашање здравјето на луѓето“, заклучи портпаролот на Кремљ.

Пандемијата на коронавирусот која го зафати целиот свет, не само што има огромно влијание врз јавното здравство, општеството и економијата како целина, туку предизвика пустош и во спортот.

повеќе

За транспортерите – благодарам, за мерките – итност, за компаниите надеж дека Владата ќе ги искористи сите ресурси на државата за да ги одржи во живот, без разлика на цената што треба да се плати за тоа.

повеќе

Пандемијата со коронавирусот започна во време кога довербата во институциите беше на рекордно ниско ниво. 

повеќе