„Руската држава мора да ја штити својата територија“

Москва: Блокадата на Калининград би можела да доведе до воен конфликт

Заменик претседателот на одборот за надворешни работи на руската Дума Владимир Џабаров изјави денес дека одбивањето на Литванија до руската ексклава Калининград да ја пропушти стоката под санкции на ЕУ би можело да доведе до воен конфликт.

EPA-EFE

Џабаров кажа дека би можело да дојде до „оружен судир“ ако Калининград биде блокиран.

„Руската држава мора да ја штити својата територија и да ја чува нејзината безбедност. Ако забележиме закана за нашата безбедност која ја следи можност од губење територија, сигурно ќе преземеме екстремни мерки и ништо нема да нè сопре“, кажа Џабаров.

Неговата изјава следи по предупредувањето на Кремљ дека ќе реагира на ограничувањето на транзитот.

Обидот на Русија да употреби војска против Полска или Литванија би иницирал директен конфликт со НАТО, чии членки се Полска и Литванија.

Според повелбата на НАТО, сојузниците се обврзани да штитат која било нападната држава членка.

Литванија претходно истакна дека забраната за транзит на руската стока е дел од четвртиот пакет санкции на ЕУ и дека се однесува само на челик и метали кои содржат железо. Земјата ги отфрли тврдењата на Русија дека тоа е блокада на Калининград, бидејќи стоката која не е предмет на санкции и железничките патници можат да минуваат низ Литванија.

Во согласност со санкциите на ЕУ, од јули ќе биде забранет транзитот на некоја друга стока произведена во Русија, од август превозот на јаглен, а транзитот на нафта и нафтени деривати ќе биде забранет во декември.

Русија тврди дека транзитните ограничувања се кршење на претходните договори со ЕУ за слободно преминување на стоката до Калининград.

Легенда под Главна слика

EPA-EFE

Најавите на американската администрација за бескомпромисна  борба против овие корумпирани,  неспособни  и криминални структури на сите нивоа на државата за македонските граѓани се единствено светло во тунелот.

повеќе

Концептот на даночната реформа, кој го претставивме минатата недела на заедничка прес конференција со премиерот е дел од поголем процес за креирање на оптимален даночен систем кој ќе биде праведен и ќе го поддржи економскиот раст.

повеќе

Ракот на корупцијата и понатаму е ендемичен, а актуелната власт сè повеќе потпаѓа под лошите навики на претходниот режим на Никола Груевски.

повеќе