Се води како терористички напад

Моментот на експлозија на таксито во Ливерпул во кое имало бомбаш самоубиец (ВИДЕО)

Во експлозијата на такси возило во Ливерпул откако бомбаш самоубиец активирал бомба, настрада едно лице. За среќа, возачот на таксито преживеал, а избегната е поголема трагедија имајќи предвид дека експлозијата се случи пред болница.

EPA-EFE

Надзорните камери го снимиле моментот на експлозијата. На снимката се гледа како такси возилото влегува на паркингот пред болницата и експлодира.

45-годишниот таксист по сè изгледа бил заложник на бомбашот и им дал знак на граѓаните да не приоѓаат до автомобилот, а на снимката се гледа дека само неколку секунди по експлозијата еден човек притрчува до возилото и го извлекува од него.

Според неофицијални информации токму таксистот, ризикувајќи го сопствениот живот, го заклучил бомбашот во автомобилот и со тоа го спречил да втрча во болницата и да ја активира бомбата.