Министрите за надворешни работи на Германија и Холандија ненајавено ја посетија Украина

Германската министерка за надворешни работи Аналена Баербок и нејзиниот холандски колега Вопке Хоекстра денеска се во Украина, каде ги посетија Буча и Ирпин, места на масовни злосторства врз цивили.

Фото: ЕПА

Аналена Баербок го посети Буча, град во близина на Киев каде што се откриени стотици убиени цивили откако Русите го окупираа градот во март, а подоцна се повлекоа. Министерката разговараше со жителите, пишува агенцијата Франс прес.

Министерката треба официјално повторно да ја отвори германската амбасада во Киев, која е затворена од февруари. Персоналот работи од западна Украина и Берлин.

Некои други земји повторно ги отворија амбасадите во главниот град на Украина, откако руските сили се повлекоа од и околу градот. Така повторно се отворени амбасадите на САД, Канада, Франција, Италија, Велика Британија и Австрија.

Посетата на германската министерка за надворешни работи дојде во време на расправата за тоа кога и дали германскиот канцелар Олаф Шолц и претседателот Франк-Валтер Штајнмаер ќе отпатуваат во Украина во знак на поддршка на земјата во нејзината одбрана од руската инвазија.

Украинскиот претседател Володимир Зеленски го покани канцеларот да ја посети Украина на 9 мај, кога Русија ја прослави победата над нацистичка Германија во Втората светска војна.

Иако Зеленски тогаш рече дека посетата на Шолц ќе испрати многу силна политичка порака, канцеларот во понеделникот не дојде во Украина.

Тензиите меѓу Украина и Германија се зголемија откако на Штајнмаер во април му беше речено да не доаѓа во посета поради неговите врски со Русија и општите критики на украинското водство на сметка на Берлин поради бавноста во испраќањето воена помош.

Холандскиот министер на Твитер објави фотографии од улиците на Ирпин, друг град во близина на Киев, каде Украина исто така ги обвинува Русите за масакр над цивили и напиша дека ќе се сретне со членовите на украинската влада и со својот германски колега.

Хоекстра рече дека она што го видел во Ирпин „не смее да помине неказнето“.

Министерот ѝ ја пренесе на Украина поддршката на неговата земја во истрагите и судењата за воени злосторства.

Легенда под Главна слика

Фото: ЕПА

Неколку години при здрав разум сакаат да ни наметнат и да нѐ убедат дека со соседна Бугарија сме имале заедничка историја. 

повеќе

Деновиве во Комората пристигна нацрт-концептот за даночни реформи, кој треба да претставува основа за јавна расправа во наредниот период.

повеќе

Концептот е насочен кон креирање на оптимален даночен систем, кој ќе го поддржи економскиот раст, а со тоа и животниот стандард на нашите граѓани.

 

повеќе