Црна Гора

Мило Ѓукановиќ прогласи победа на изборите: Непобедливи сме

Кандидатот на Демократската партија на социјалистите (ДПС), Мило Ѓукановиќ, прогласи победа на претседателските избори во Црна Гора.

Тој рече дека изборниот резултат е потврда за решеноста на Црна Гора да продолжи по патот на европскиот квалитет на живот и членство во ЕУ.

Во својот победнички говор тој најави дека нема да ги изневери очекувањата на граѓаните на Црна Гора.

„Ова е можност да им се заблагодарам на луѓето што ја поддржаа мојата кандидатура. Ова е можност да кажам дека го ценам ентузијазмот и лојалноста на граѓаните што ја поддржуваат оваа политика цело време“, рече Ѓукановиќ.

Ѓукановиќ им се заблагодари и на коалициските партнери, кои, рече тој, покажаа приврзаност кон ДПС, испраќајќи порака дека се непобедлива коалиција.

Наместо пораки до противкандидатите, Ѓукановиќ им се обрати на лидерите на опозицијата.

„Овој резултат е толку убедлив и надмоќен што ова е можност да го преиспитате она што се вашите истрајни политички ставови, дека не може ништо добро да се направи со негирање на достигнувањата до кои дојде Црна Гора“, рече Ѓукановиќ.

Според прелиминарните податоци на ЦЕМИ, од 100 проценти од обработените податоци, кандидатот на ДПС Мило Ѓукановиќ има 53,8 отсто поддршка од граѓаните, а кандидатот на поголем дел од опозицијата, Младен Бојаниќ, 33,5 проценти.

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе

Како граѓани на независна и суверена Република Македонија веќе се навикнавме постојано да живееме во секојдневни тензии и стресови.

повеќе