Милиони луѓе во САД се во опасност да бидат протерани од своите домови

Милиони Американци повторно се во опасност да останат без покрив над главата ако не можат да ја платат киријата, бидејќи денес истекува мораториумот со кој им се забранува на сопствениците да ги исфрлат на улица за време на пандемијата, а Конгресот не го продолжи.

Фото: ЕПА

Врховниот суд на САД претходно одлучи дека мораториумот може да остане во сила до 31 јули, но администрацијата на претседателот Џо Бајден не ја обжали одлуката.

Се проценува дека се загрозени повеќе од 3,6 милиони луѓе, кои би можеле да се најдат на улица уште в понеделник доколку не ја платат киријата.

Кога стана јасно дека Конгресот нема да го продолжи времетраењето на овој мораториум, претседателот Бајден апелираше до властите на федералните држави да ги преземат неопходните чекори и да спречат луѓето да бидат исфрлени на улица, пренесува Гласот на Америка.

„Државите и локалните власти треба од своите фондови да им платат на сопствениците и на оние што изнајмуваат станови и да го спречат исфрлањето“, се вели во апелот на Бајден.

Конгресот претходно одобри помош од 47 милијарди американски долари за федералните држави за да обезбедат пари за сопствениците што ги издаваат своите станови за време на пандемија, кога многу луѓе загубија работа и пари.

Конгресмените потсетуваат дека федералните држави многу бавно ги распределиле тие пари и дека биле потрошени само три милијарди долари.

Бајден во четвртокот го повика Конгресот итно да го продолжи мораториумот за протерување, претседателката на Претставничкиот дом Ненси Пелоси закажа гласање за петокот рано наутро, но по неколкучасовни преговори, демократите не успеаја да се договорат за продолжување, а републиканците не го поддржуваат предлогот.

Според податоците на Министерството за урбанистички развој, на крајот на март речиси 6,4 милиони домаќинства доцнеле со плаќањето кирија, а во почетокот на јули 3,6 милиони луѓе рекле дека може да останат без покрив над главата во следните два месеци.

Легенда под Главна слика

Фото: ЕПА

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе