Хрватскиот претседател по самитот на НАТО

Милановиќ: Србија има криза на идентитетот, тешко сфаќа дека за Русија е само фуснота

Западот на Србија треба да ѝ понуди јасна западна перспектива и тоа би била прилика која Србија не би смеела да ја пропушти, но таа треба да одлучи, изјави во Брисел хрватскиот претседател Зоран Милановиќ.

EPA-EFE

По завршувањето на самитот на НАТО, Милановиќ кажа дека на самитот станало збор за Западниот Балкан, за Босна и Херцеговина како земја која е загрозена, за Молдавија и Грузија, но дека никој не ги спомнувал Србија и Косово.

„Србија за неколку дена има избори и имам впечаток дека е во некој вид на криза на идентитетот веќе долго и дека тешко сфаќа дека на Русија ѝ се само фуснота“, кажа Милановиќ.

Тој додаде дека за НАТО и ЕУ е важно тоа што Србија преговара за членство во Европската Унија, а на НАТО му е партнер исто како и БиХ.

„Важно е тоа да биде стабилна земја која има јасна западна перспектива, тоа во оваа ситуација малку појасно да им се понуди, па ако сфатат сфатат, ако не сфатат, не сфатат, но тоа е секако прилика која не смее да се пропушти и на крајот ќе одлучат сами“, кажа Милановиќ по самитот.

Додаде дека е време четирите членки на НАТО кои сè уште не го признаваат Косово тоа да го направат и „Косово конечно треба да се интегрира, да стане заокружена држава“.

Милановиќ кажа дека веќе ја потпишал одлуката за испраќање 70 хрватски војници во борбена група во Унгарија, но дека тие сè уште нема да одат таму.

„Таа одлука е потпишана, а кога војниците ќе заминат таму тоа ќе видиме. Начелно, одлуката е потпишана, засега не е предвидено да одат во Унгарија физички, тука се во Хрватска, командата функционира. Хрватска ќе се постави многу внимателно, не грижете се“, кажа хрватскиот претседател.

Тој оцени дека пораките на украинскиот претседател Володимир Зеленски, кој на лидерите на НАТО им се обрати по видеоврска, биле „емотивни и тажни“, но дека воениот блок не може да помогне во она што Зеленски го бара.

„Тоа е отворената порака на клучните играчи на НАТО. Колку е тоа исправно, за тоа ќе суди историјата“, кажа тој.

Легенда под Главна слика

EPA-EFE

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе

Самостојните уметници не се доволно мотивирани да создаваат. 

повеќе

Кој кого „мафлосува“, тие нас или ние нив. Чекор напред, три назад, како раковите во Охридското Езеро од моето детство кои исчезнаа во налетот на технолошкиот напредок и уништувањето на животната средина.

повеќе