Метеор го осветли небото над Норвешка, експертите го истражуваат (ВИДЕО)

Голем метеор синоќа го осветлил небото над Норвешка, а можел да се види и од Шведска, јавија локалните медиуми.

Screenshot: Youtube

Сведоците ја контактирале полицијата кога ја виделе исклучително јаката светлина и слушнале силна бучава, пишуваат денес норвешките медиуми.

Некои ги отвориле прозорците и вратите бидејќи почувствувале промена на притисокот на воздухот. Новинар на норвешкиот весник Верденс ганг метеорот го опиша како огнена топка во воздухот која го осветлила целото небо.

Светлината по 1 часот наутро (по локално време) можела да се види на југот на Норвешка, но и во Шведска.

Експертите сметаат дека делови од метеорот паднале западно од главниот град Осло.

Вегард Лундби од Норвешката мрежа за следење метеори кажа дека во моментов се трага по остатоците од метеорот на Земјата кои би можеле да тежат неколку килограми.

Големината на метеорот е сè уште непозната, но извештаите покажуваат дека бил прилично голем. Некои проценки се дека тежи и неколку десетици килограми.

Според ВГ, научниците сметаат дека метеорот стигнал од појас со астероиди меѓу Марс и Јупитер.

Легенда под Главна слика

Screenshot: Youtube

Под менторство на овој истраен истражувач, научник и педагог, се развивале и се формирале многумина трудбеници и афирматори на македонското културно наследство.

повеќе

Ковидот нема да нѐ победи. Да зборуваме за раст и развој, за подобар и забрзан раст, за паметен и зелен развој.

повеќе

Размислуваме како можеме да ја заштедиме и заштитиме водата, но само додека немаме вода!

повеќе