Меркел присуствуваше на првата седница на новиот состав на германскиот парламент

Германската канцеларка Ангела Меркел присуствуваше на првата седница на новиот состав на германскиот парламент, во кој има повеќе жени и припадници на малцинствата, во галеријата за посетители.

Фото: ЕПА

Долниот дом на парламентот, во кој седат просечно најмладите пратеници досега и првите две трансродови пратенички, се состана за да го избере својот претседател и другите членови на претседателството.

Германските конзервативци на изборите на 26 септември, по 16 години владеење го постигнаа својот најлош резултат досега.

Меркел не се кандидираше на изборите. Но, нејзиниот рејтинг останува висок и таа ќе остане на функцијата се додека Бундестагот не го избере нејзиниот наследник, веројатно Олаф Шолц од СПД.

Социјалдемократската партија на Германија (СПД), која на изборите беше прва, преговара за формирање коалициска влада со Зелените и либералите (ФПД), што треба да биде завршено до 6 декември.

Трите партии посочуваат дека нивната коалиција, прва од ваков вид на национално ниво, ќе биде нов почеток за Германија и ќе се фокусира на модернизирање на германската економија, најголемата во Европа, и борба против климатските промени.

Новиот Бундестаг, 20 во повоениот период, е најголемиот досега и има 736 пратеници.

Легенда под Главна слика

Фото: ЕПА

Освен тоа што муралите се моќно средство за комуникација, тие можат да бидат и предмет на манипулации, па и пропаганда, подигање тензии и продлабочување на недоразбирањата во БиХ.

повеќе

Процесот на донесување на буџетот ме потсетува на една изрека на поранешниот државен секретар на трезорот на САД, Џејкоб Лу (Jacob Lew) кој вели дека „Буџетот не е само колекција на бројки, туку израз на нашите вредности и аспирации“.

повеќе

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе