„Прашањето кој ќе владее не е неважно“

Меркел повика да се гласа за Лашет за Германија да остане стабилна

Германската канцеларка Ангела Меркел ги повика гласачите да гласаат за Армин Лашет, конзервативниот кандидат на нејзината Христијанско-демократска унија (ЦДУ) за Германија „да остане стабилна“. 

EPA-EFE

„За Германија да остане стабилна Армин Лашет треба да стане сојузен канцелар“, кажа Меркел пред неделните избори.

На изборите се најавува тесен дуел меѓу фаворитот, кандидатот на Социјалдемократите Олаф Шолц и неговиот ривал од десницата,Лашет.

„Прашањето кој ќе владее со Германија не е неважно“, додаде Меркел и предупреди на сценариото во случај на победа на социјалдемократот Шолц кој води во анкетите.

„Дали можете да замислите црвено-црвено-зелена влада?“, ги праша таа претставниците на нејзината ЦДУ и сестринската ЦСУ на состанокот во Минхен, најголемиот град во Баварија на последниот предизборен митинг одржан вчера.

Меѓу можните опции за идна коалиција не е исклучен сојуз „црвени-црвени-зелени“ на социјалдемократската СПД, партијата од радикалната левица Ди линке и Зелените.

Таа коалиција меѓутоа не е најверојатна и е соочена со бројни идеолошки разлики меѓу трите партии.

Меѓутоа конзервативците кои не стојат најдобро во анкетите мавтаат со таа можност како со црвена марама за да ги мобилизираат своите гласачи.

Канцеларката го критикуваше најавеното кревање на даноците кое го најави социјалдемократскиот кандидат и кажа дека тоа ќе ги избрка фирмите во Австрија и Холандија.

„Тоа не е наша политика“, кажа таа и додаде дека повеќе сака политика која дозволува компаниите да останат дома и тука да создаваат работни места за Германија да просперира.

Легенда под Главна слика

EPA-EFE

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе