Меркел и Макрон бараат самит на врвот на ЕУ и Путин

Франција и Германија вчера предложија средба на врвот на Европската Унија и рускиот претседател Владимир Путин за да се подобрат односите на сојузот и Русија, открија два дипломати за потенцијалната средба, прва од таков вид од 2014 година.

EPA-EFE

Средбата би се случила по состанокот на американскиот претседател Џо Бајден и Путин претходно месецов во Женева, во време кога Париз и Берлин се незадоволни што пристапот на Европската Унија кон Русија во изминатите години се сведува само на санкции, пренесува Ројтерс.

„Мораме да разработиме како да излеземе од оваа негативна спирала, но мораме да настапиме обединето“, кажал еден европски дипломат додавајќи дека балтичките земји би можеле да се противат на самитот.

Не е јасно дали таквата средба би ги вклучувала сите 27 лидери на Унијата или само претседателката на Европската комисија Урсула фон дер Лајен и претседателот на Европскиот совет Шарл Мишел.

Средбите на највисоко ниво беа прекинати откако Русија во 2014 година го анектираше црноморскиот полуостров Крим.

Лидерите на ЕУ за новата стратегија на управување на сè полошите односи со Русија ќе разговараат од денес, на дводневниот самит во Брисел.

„Германија и Франција дадоа некои идеи за расправата во ЕУ за Русија. Меркел претходно спомна дека со Русија и Кина на највисоко ниво не би требало да разговараат само САД. Русија е сосед, а таков формат веќе постоеше во 2007 година во Финска“, кажа за Ројтерс лице упатено во претстојниот состанок за Русија.

Стратегиски документ на Европската комисија и дипломатските служби на Европската Унија претходно месецов укажа дека, и покрај годините тензии, „ЕУ и Русија имаат основна заедничка одговорност за мирот и безбедноста на европскиот континент“.

Иако Западот ја обвинува Русија за кибернетички напади, кампањи на дезинформирање и други акти, што Кремљ го отфрла, најголемата држава во светот е и петти најголем трговски партнер на ЕУ, додека европскиот блок е најголемиот странски инвеститор во Русија.

Легенда под Главна слика

EPA-EFE

ДУИ е дел од влада која, дел поради пандемијата, а дел поради непостоење на политичка волја за реформирање на системот и искоренување на корупцијата и организираниот криминал создаде назадоволство кај граѓаните.

повеќе

Tреба да ја прифатиме технологијата, наместо да се плашиме од неа, а и игрите се дел од тој процес. 

повеќе

Moжно ли е стотици кандидати за градоначалници три недели да ветуваат, а никој да не каже од каде средства за таа намена т.е. никој да не го спомене зборот децентрализација кој претставува клуч за било какво ветување?

повеќе