Меркел: Емиграциската политика е пресудниот испит за иднината на Европа

Германската канцеларка Ангела Меркел оцени дека емиграциската политика е пресудниот испит за иднината на Европа, во момент кога континентот го зафати сериозна криза и кога се сѐ погласни предлозите за затворање на границите.

„За мене прашањето како да се пристапи кон емиграцијата е одреден вид испит пресуден за иднината и за единството на Европа“, кажа Меркел. „Токму во тие моменти Европа, соочена со прашањето кое ја ослабува, мора да даде одговор, не едностран туку усогласен, договорен врз основа на договор со другите (земји) за да можеме вистински заеднички да дејствуваме“.

За тоа да може да функционира, мора да водиме сметка за „интересите на секоја земја“, истакна Меркел.

Ваквиот став доаѓа во момент кога италијанскиот, австрискиот и германскиот министер за внатрешни работи, предводници на „тврдата линија“ во однос на емигрантското прашање, соопштија дека сакаат да воспостават „оска на доброволци“ кои ќе ја сузбиваат нелегалната емиграција.

Таа „оска“ ја сочинуваат италијанскиот министер за внатрешни работи Матео Салвини, австрискиот Херберт Хикл, двајцата крајни десничари, и нивниот конзервативен колега Хорст Зехофер.

Ова е нов тежок удар за Меркел која веќе е критикувана во својата земја за премногу великодушната азилантска политика, а сега мора да се бори и со сопствениот министер за внатрешни работи, многу конзервативниот Баварец Зехофер.

Канцеларката со недели се зазема за воспоставување единствен систем за азил со подобра распределба на емигрантите во Европа, за што ќе се расправа на самитот на ЕУ на крајот на јуни.

„Италија прими огромен број емигранти и тоа е еден од проблемите со кои се соочуваме. Мора да одговориме на потребите на сите во Европската Унија. Тоа е како квадратура на кругот, но Европа мора да продолжи да биде солидарна“, заклучи Меркел.

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе

Повеќе од 40 години пишувам за самостојноста на македонскиот јазик и идентитет и на моменти бев подложуван и на физички напад поради моите ставови. Јас не би прифатил ништо што го негира признавањето на Македонија.

повеќе