Стокхолм

Шведска ќе одржи меѓународен состанок за формирање суд за џихадисти

Шведските власти соопштија дека во јуни ќе се одржи меѓународен состанок за формирање суд кој би им судел на џихадистите од Исламската држава.

Седиштето на судот би можело да биде некаде на Блискиот Исток, изјави шведскиот министер за надворешни работи Микаел Дамберг додавајќи дека суд во регионот би бил погоден за сведочење и доставување докази.

Досега три земји се согласија да присуствуваат на состанокот во Стокхолм на 3 јуни, изјави тој за шведското радио.

Само неколку вратени ИСИС терористи се уапсени и им е судено во Шведска поради постојните закони за кои се потребни докази за активна вклученост во терористичките злосторства со цел да се гонат осомничените.

Дамберг рече дека повеќе членови на ИСИС би можеле да бидат изведени пред лицето на правдата во меѓународен трибунал во регионот, поради достапноста на доказите и изјавите на сведоците, но има проблеми со таквиот план.

„Исклучително е тешко, бидејќи ниту една од земјите со кои разговарав не сака да соработува со режимот на Асад, но ги разгледуваме и другите решенија, можеби соработката со друга земја во регионот“, изјави Дамберг за шведското радио.

Франција, Холандија и Велика Британија се меѓу поканетите земји.

Според бројките објавени од шведската разузнавачка агенција Сапо, најмалку 300 Швеѓани отпатувале во Сирија и Ирак во периодот од 2012 до 2017 година за да се приклучат кон екстремистички групи, вклучувајќи го ИСИС. Се верува дека околу половина од нив се вратиле во Шведска, додека околу 50 се смета дека биле убиени, а уште 100 се сè уште во регионот.

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе