Тој додаде дека „алтернативните снабдувања со гас, нафта и јаглен се скапи или едноставно нереални“.
„Наскоро стигнува студот“, напиша Медведев на Телеграм, а пренесува Ројтерс.
„Никој не ја откажа зимата, а алтернативните снабдувања со гас, нафта и јаглен се скапи или едноставно нереални“, порача поранешниот претседател на Русија.
Кремљ денес соопшти дека турбината за гасоводот Северен тек, најголемиот цевковод кон Европа, сè уште не стигнала од ремонтот во Канада, а утре се очекува да биде преполовен дотокот на гас преку тој гасоводот поради прекинот со работа на уште една турбина.
Европската Унија ја обвинува Русија дека се користи со економска уцена, додека Москва тврди дека намалената испорака на гас во Европа е последица на технички проблеми и западните санкции поради руската воена операција во Украина.
