<p>Во последно време западни експерти поприлично шпекулираат за руските залихи на оружје, односно за тоа дека на боиштето во Украина потрошила значителен дел од своите резерви на оружје и муниција. Медведев денес на средба со функционери на руската воена индустрија порача дека непријателите на Русија постојано тврдат дека им „недостига ова или она“.</p><p>„Морам да ги разочарам, имаме доволно од сè“, кажа тој, и додаде дека „испораки на илјадници парчиња ново оружје и воена опрема е во тек“. „Воспоставивме добар ритам на испораки од почетокот на годината, сега мораме да го одржиме“, порача Медведев.</p>