Шпанија

Сопругот на шпанската принцеза за пет дена оди во затвор

Судот во Палма де Мајорка му даде на Инјаки Урдангарин, сопругот на шпанската принцеза Кристина, рок од пет дена да почне да ја издржва казната затвор од пет години и 10 месеци, пренесе Би-би-си.

Судот пресуди дека Урдангарин е виновен за измама и даночно затајување, но го ослободи од обвинението дека фалсификувал документи.

Инаку Урдангарин, кој со шпанската принцеза Кристина и нивните четири деца живеат во Швајцарија, се појави пред судот во Палма де Мајорка за да му соопштат кога ќе почне да ја издржува казната, пренесе Ројтерс.

Шпанскиот Врховен суд ја потврди пресудата на понискиот суд, со која сопругот на шпанската принцеза Кристина е осуден на речиси шест години затвор, намалувајќи му ја казната за пет месеци.

Понискиот суд во Палма де Мајорка го осуди Урдангарин во 2016 година за злоупотреба на јавни средства, злоупотреба на службената должност, измама и даночно затајување.

Врховниот суд ја потврди пресудата и дека принцезата Кристина имала корист од кривичните дела сторени од нејзиниот сопруг и ѝ е одредена парична казна.

Инјаки Урдангарин е поранешен шпански ракометар, а принцезата на Шпанија ја запознал во 1996 година на Олимписките игри во Атланта. Една година подоцна се венчале.

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе