Маж турна жена пред воз во метрото во Брисел (ВИДЕО)

На видеоснимката се гледа како жената за влакно избегнува смрт во бриселското метро.

Фото: скриншот

Маж турнал жена пред заитан воз во главниот град на Белгија, а машиновозачот закочил на неколку сантиметри од нејзиното тело. Инцидентот е снимен на видео, а човекот набргу потоа е уапсен.

Видеото снимено на метростаницата Рожие во петокот вечерта покажува како мажот се прикрадува зад жената, па со двете раце ја турнува на шините пред возот што доаѓа. За среќа, машиновозачот успеал да закочи пред неподвижното тело на жената да биде прегазено од возот.

Напаѓачот бега, а луѓето тргнуваат да ја извадат жената од шините.

„Возачот реагираше многу добро, но е многу шокиран, како и жртвата“, изјави за Брисел тајмс портпаролот на бриселската јавна транзитна компанија СТИБ.

Јавното обвинителство на Брисел соопшти дека мажот бил уапсен неколку минути подоцна на друга метростаница во градот. Тој е обвинет за обид за убиство.

Сличен инцидент се случи неколку часа подоцна во Њујорк, кога 40-годишна жена беше турната во смрт на станицата на метрото Тајмс сквер во саботата наутро. Човекот што ја турнал имал криминална историја, полицијата го опишала како „емоционално вознемирен“ и се чини дека немал претходна врска со својата жртва. Тој ѝ се предал на полицијата набргу по „неиспровоцираниот“ напад, им рече на новинарите во станицата комесарот на њујоршката полиција, Кичант Севел.

Легенда под Главна слика

Фото: скриншот

Економската криза е лоша во сите сфери на живеењето, но од неа можеме и да научиме по нешто.

повеќе

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе