„Луѓето се слаби и умираат од глад“

Масовни грабежи на магацини со храна во Нигерија: „Гладни сме, а тие ја кријат храната“ (ВИДЕО)

Масовните грабежи на државни згради и магацини за храна продолжуваат во Нигерија, по двете недели народни протести и големи социјални немири кои изгледа дека ѝ избегаа од контрола на власта.

EPA-EFE

Во Лагос, економскиот центар со 20 милиони жители, ситуцијата вчера беше главно мирна и строгиот 24-часовен полициски час воведен во вторникот вечерта е ублажен, по неделите екстремно насилство.

Меѓутоа, во повеќе градови во западноафриканската земја продолжуваат масовните грабежи, како на пример во Еде во југозападната држава Осун или во Џос во центарот на земјата, каде повеќе илјади луѓе зазедоа и ограбија огромен магацин за храна која требало да биде дистрибуирана во март и април за време на карантинот поради коорнавирусот.

„За време на изолацијата ние бевме гладни, а тие ја криеле храната“, кажа Мафег Пам, еден од жителите на Џос и праша каква влада имаат, укажувајќи дека луѓето се слаби и умираат од глад.

Нигерија, водечкиот произведувач на нафта во Африка која важи за една од најкорумпираните земји во светот, минува низ сериозна социјална криза, со протестните движења кои пред две недели почнаа во Лагос против полициското насилство, а потоа прераснаа во насилство и масовни грабежи.

Во Еде на југозападот на земјата грабежот на еден од таквите магацини го блокирал градот во петокот. Во местото Калабар на југоистокот биле вандализирани куќи на политичари.

Крвавата репресија на мирните демонстрации во Лагос во вторникот, во која според Амнести интернешнал настрадале 12 луѓе, ги разгневи и земјата и меѓународната заедница.

Според Амнести интернешнел најмалку 56 луѓе се убиени низ земјата во двете недела откако почнаа протестите.

Нигерискиот претседател Мухамаду Бухари изрази жалење поради бројните изгубени животи, но досега не даде официјална бројка на настраданите.

Во телевизиското обраќање во четвртокот вечерта тој предупреди дека нема да дозволи никому да ги загрози мирот и безбедноста на државата и изрази жалење што бил „премногу мек“ во текот на двонеделните протести.

Легенда под Главна слика

EPA-EFE

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе