„До независните гласачи: поделената моќ ги зауздува најлошите ексцеси на двете партии, затоа препорачувам гласање за републикански Конгрес имајќи предвид дека претседателството е на демократите“, напиша Маск на Твитер.
To independent-minded voters:
— Elon Musk (@elonmusk) November 7, 2022
Shared power curbs the worst excesses of both parties, therefore I recommend voting for a Republican Congress, given that the Presidency is Democratic.
Откако го презема Твитер, групи за граѓански права го критикуваат ставот на Маск за модерирање на содржините, поради неговиот апсолутистички став за слободата на говорот, очекувајќи на платформата да се зголеми количеството дезинформации и говор на омраза.
Демократите на Бајден се соочени со тешка борба чија цел е да ја задржат контролата над Конгресот на утрешното гласање. Непартиските прогнозери на изборите и анкетите укажуваат дека републиканците имаат многу големи шанси за освојување на мнозинството во Претставничкиот дом, а голема борба ќе се води и за контролата во Сенатот.
Маск и претходно кажа дека ќе гласа за републиканците, но истакнува дека ги поддржува умерените политичари од двете страни.
„Тврдокорните демократи или републиканци никогаш не гласаат за другата страна, така што независните гласачи се тие кои одлучуваат кој ќе биде главен“, напиша Маск.
