Макрон: За договорот за брегзитот не може повторно да се преговара

Претседателот на Франција Емануел Макрон истакна дека за договорот кој Лондон и Брисел го постигнаа за излегувањето на Британија од членството во ЕУ не може повторно да се преговара.

Макрон ги повика Британците да „излезат од ќорсокакот“.

„Ситуацијата е едноставна. За договорот не може да се преговара“, кажа Макрон во Најроби каде што е во посета.

Францускиот претседател кажа дека е запознаен со гласањата во британскиот парламент во изминатите два дена, и кажа дека жали поради одлуката да го отфрлат договорот.

„Ако Британците сакаат одложување на брегзитот, тоа може да биде само техничко одложување за да се спроведе истапувањето од блокот. Тогаш би требало да ни ги објаснат причините зошто бараат одложување. Причината не може да биде повторно преговарање, бидејќи веќе дадовме до знаење дека тоа ние не го сакаме“, кажа Макрон.

Британскиот парламент синоќа изгласа дека не сака земјата да излезе од членството на Европската Унија без договор, откако ден претходно го отфрли договорот кој со ЕУ го склучи премиерката Тереза Меј.

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе