Макрон: Го убедив Трамп да ја остави војската во Сирија

Францускиот претседател Емануел Макрон рече дека го убедил американскиот колега Доналд Трамп да ги остави американските сили во Сирија. Минатиот месец Трамп изјави дека американските сили многу брзо ќе се повлечат од Сирија.

Во телефонскиот разговор во пресрет на нападите од саботата, Макрон, како што кажа, го убедил Трамп да не се повлекува од Сирија. „Го убедивме дека е потребно да остане таму“, рече тој, пренесе Би-би-си.

Четириесет и осум часа по американските, француските и британските напади, францускиот претседател долго зборуваше за Сирија.

Нагласи ѝ дека го убедил Трамп да ги ограничи нападите од саботата на постројките за хемиско оружје.

Во одбрана на акцијата, рече: „Дојдовме до точка во која со цел да ѝ се врати кредибилитетот на меѓународната заедница нападите беа неопходни“.

Акцијата на САД, Франција и Велика Британија, изведена во текот на ноќта во саботата поради наводниот напад на сирискиот режим со хемиско оружје во Дума, е „успех на воен план“, рече Макрон во телевизиското обраќање.

Тој го отфрли можното прогласување на акцијата за незаконска истакнувајќи дека во Сирија делувала „меѓународната заедница“.

„Имаме три членки на Советот за безбедност на ОН кои учествуваа“, рече тој, мислејќи притоа на својата земја, САД и Велика Британија.

Франција со воената акција не ѝ објави војна на Сирија на Башар ал-Асад додаде Макрон, потсетувајќи дека Париз сака инклузивно политичко решение за војната во Сирија, кое би ги вклучувало сите учесници.

Со цел да се постигне трајно решение потребно е да се разговара со Иран, Русија и Турција, рече Макрон во интервјуто.

Операциите направени кај повеќето интерсексуални новороденчиња е од козметички причини.

повеќе

Внимателноста во водењето на преговорите за името и изјавите околу нив сега е повеќе од нужна.

повеќе

Во најсеверните делови на грчките региони Западна и Централна Македонија, сите народни ора се инструментални песни. Традиционалните песни во овие региони некогаш имаа зборови - но тие беа на јазик што грчката држава речиси еден век се обидува да го избрише: македонскиот словенски, вели Петрос Карацареас, лектор по англиски јазик и лингвистика на Универзитетот на Вестминстер, Велика Британија.

повеќе