Лукашенко вели дека Белорусија не планира да стане дел од Русија: „Не сме толку глупави“

Белорускиот претседател Александар Лукашенко ги отфрли наводните планови неговата земја, поранешна советска република, да стане дел од Руската Федерација. „Не сме толку глупави со (рускиот претседател Владимир) Путин да ги користиме старите методи. Ни, велам, градиме такво единство меѓу две независни држави што луѓето ќе учат од нас“, кажа Лукашенко во Владивосток  на рускиот далечен исток.

EPA-EFE

Путин неколку пати беше обвинет дека сака да го обнови Советскиот Сојуз, кој се распадна пред 30 години. Тој ги отфрла таквите тврдења. Многу луѓе во двете држави, кои веќе градат тесен сојуз, исто така стравуваат дека Русија би можела да ја припои Белорусија од која економски целосно зависи.

Лукашенко во моментов на покана на Путин престојува на рускиот далечен исток, на брегот на Тихиот Океан. Белорусија ѝ е важен сојузник на Русија во војната против Украина. За разлика од Лукашенко, меѓународните аналитичари сметаат дека придружување на Белорусија на Руската Федерација е сосема реално.

Од претседателските избори во 2020 година, на кои победи Лукашенко, Минск сè повеќе почна да зависи од Москва. Белорусија сега е речиси целосно финансиски изолирана од Западот, но и воено зависна од Русија.

Легенда под Главна слика

EPA-EFE

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе