Белорусија

Лукашенко велеше дека пандемијата е психоза, сега заради короната ги затвори границите

Белорусија во четвртокот ги затвори своите граници со Летонија, Литванија, Полска и Украина, како причина ја наведе „епидемиолошката ситуација", иако белоруските лидери со месеци ја минимизираа заканата од пандемијата на коронавирусот.

Фото: ЕПА

„Мора да ги затвориме границите“, рече претседателот Александар Лукашенко. Тој претходно пандемијата ја опишуваше како „психоза“. Според официјалните податоци, во земјата биле заразени 96.529 лица, а 973 починале.

Од петок патувањата ќе бидат ограничени, а границите ќе останат отворени само за дипломати и за сообраќај на камиони, соопшти државната агенција за граници.

Се шпекулираше дека границите се затворени од политички причини, бидејќи односите на Белорусија со четирите земји се влошија како резултат на протестите против владеењето на Лукашенко. Голем дел од демонстрантите избегаа во соседните земји за да избегнат апсење, а некои белоруски граѓани претходно оваа недела се пожалија дека не им е дозволено да се вратат во земјата.

Ниту една од четирите земји не ја признава спорната победа на Лукашенко на изборите во август, за разлика од главниот сојузник на белорускиот лидер, Русија. Иако земјата ја има една од најтешките епидемии на коронавирус, руско-белоруската граница останува отворена.

Активистката Светлана Тихановскаја, која многумина ја сметаат за вистинска победничка на изборите, во моментов е во егзил, рече дека затворањето на границите е знак на слабост на Лукашенко. „Тој донесува одлуки кои не се промислени затоа што е во паника“, рече Тихановскаја.

Легенда под Главна слика

Фото: ЕПА

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе